TALDEKO FOTO ELKARRIZKETA: NONAME TALDEA

Nahikoa da une hori; musika hori, mendi kuttun hori, goizaldeko hamaiketatxo hori, liburu eder hori, ezagutu berri duzun hiri hori, zinemako arratsalde hori, lagunekin hondartzan surfean ibilitako ilunabar hori, marrazketarako une hori eta ikasketen lanekin ari zaren bitartean gordetako une hori. Nahikoa da une zehatz hori gutxirekin asko izateko.

Une zehatz hauekin lotuta, gure hurrengo blogaren sarrera konektatu gabeko foto elkarrizketa bat dugu. Gure taldean bakoitzak bi argazki aukeratu ditugu, non bertan ez gauden “konektatuak” , hau da, ez gaude ez internet, ez mugikor, ez ordenagailu, ez teknologiari erabilpenik ematen.

Hona hemen gure 10 une kuttun horiek:

ZINEMA: Ohiturak ez direla galdu behar eta, asko gustatzen zaigun gauzetako bat zinemara joatea da. Pelikula on batez gozatzea, bizitzan egin daitezken plazer txikien barruan sartzen dugu. Horretaz gain, bakarrik edota konpainian egin dezakezun plan polit bat da.

JANARIA: Nori ez zaio jatea gustatzen? Guretzat janari goxo batetaz gozatzea ere beste plazer txiki bat dela esan dezakegu. Edozein lekutan, ordutan eta konpainia ezberdinean egin dezakegun gauza bat delarik.

LAGUNAK: Argazki honetan magisteritzako lagun batzuk agertzen dira. Lan modularreko ariketa bat burutu ahal izateko elkarri aurpegiak pintatu behar izan genizkion. Nahiz eta hasieran pixka bat lotsatu, besteen iritziak alde batera utzi eta primeran pasa genuen.

KIROLA: Argazki hau udaran Zarautzeko hondartzan ateratakoa da. Aneren lagun batzuk surfeatzen ibiltzen dira eta egun batean berari erakusteko erronka hartu zuten. Ondo moldatu ez bazen ere, egun politta igaro zuten elkarrekin.

MUSIKA: Bizitzak soinu banda du, pertsonek, lekuek, usainek, egoerek, adinak... denok dugu melodia bat eta askotan lekutik mugitu gabe belarrien bitartez, usaintzen dut, hitz egiten dut, mugitzen naiz; denboran bidaiatzen dut.

FESTAK: Bi poltsiko: Dirua eta giltzak. Zakukada jende, irrifar, besarkada eta "aspaldiko!".

IRAKURKETA: Oheratu baino lehen, irakurtzea gustuko dut, orokorrean, loak hartzen nauen bitartean irakurtzeko liburu bat edukitzen dut mesanotxean.

MARRAZKETA: Marrazten oso trebea ez naizen arren, oso momentu onak pasatzen ditut marrazten eta Arte ikasgaian eskatzen dizkiguten lan askok IKT-ekin harreman zuzenik ez dutenez, argazki hau aukeratu dut.

BIDAIAK: 2014ko udara gogoraraziz... kurtso amaierako bidaiaren azken uneak Bruselasen.

NATURA: Izaskungo mendian, igande arratsaldeko giro ederra aprobetxatuz.

Horiek dira gure hamar argazkiak. Gure hamar uneak. Hamar argazki hauetan denetarik ikus dezakezue; gure bidaiak, gure bazkariak, gure marrazkiak, gure zaletasunak, gure aisia, gure deskantsuak,….denetarik.

Baina lan hau egin ondoren ohartu gara, lanaren helburua konektatu gabeko uneak erakustea izan arren, gure mugikor edo argazki kamerak eskuetan genituela une horiek gorde ahal izateko. Hortaz, konturatu gara, gaur egun oso zaila egiten zaigula konektatu gabe bizitzea, kontziente gara ia ezinezkoa dela gaur egungo gizartean konektaturik ez bizitzea.

Gu lehen mailako gizarte batean bizi gara, punta puntako teknologiak gure eskuetan ditugu eta guretzat ohikoak dira. Gure hausnarketan oinarrituta, esan dezakegu teknologia berriek maila sozialak ere desberdintzen dituztetela. Adibidez hirugarren munduko gizartean ez dituzte guk teknologian ditugun aurrerapenak, ez dituzte gure mugikor, ordenagailu, telebista, etab. 

Beraiek ala eta guztiz ere, bizi bat dute, gai dira bizitzeko teknologiarik gabe. Hortaz, esan dezakegu gizarte motaren arabera teknologiaren erabilpena eta dependentzia maila asko aldatzen dela. Gaur egun teknologia berriak lehen mailako herrialdeetan aurkitzen dira eta bertako gizarteko kideek ezin dugu beraiek gabe gure gizarteak markatzen dituen irizpideak jarraitu.

Amaitzeko, teknologia berriek gure gizartean duten eragina ikaragarria da. Alde on eta txarrak ditu, gauza guztiak bezala. Ondorio horien artean, dependentzia, sortzen duten kontrola, intimitate falta eta pertsonen izaeraren aldaketa azpimarratuko genituzke. Teknologia berrien etorkizunari begira jarrita, ez dugu uste soka hau etengo denik, egunetik egunera teknologia aurrerapen handiak erakusten ari da eta konpetentzia asko dagoen mundu bat da, orduan gure ustetan honek indar handiz aurrera egiten jarraituko du. Gure esku dago soka hori luzatzen jarraitzea edo ahal den moduan kontrolatzen jakitea.

IRUDIAK PARTEKATUZ IV.

Hona hemen gure irudiak pratekatzeko atalari amaiera emateko gelan egin genuen praktika, Eguneratuzan/k en eskutik:

Eguneratuzan/k: IRUDIAK PARTEKATUZ IV: Praktikari bukaera ematen /...:     

Kaixo guztioi berriz ere, gaurkoan irudiak partekatuz gaiari bukaera emango diogu eta horretarako modu ezin hobea iruditzen zait, guk ...

EUSKARAREN EGUNA

Abenduaren 3ak, urtero bezala gure egutegietan toki berezia duen eguna da. Egun honetan euskara bizi dugun guztiok , Euskararen Nazioarteko Eguna ospatzen dugu. 

Euskara da euskaldunok dugun altxorrik handiena eta horregatik egunero jaso dezakegun oparirik handiena euskaraz bizi ahal izatea da. 

Hona hemen euskarari abestutako abesti bat:

FLICKERREN ERABILPENA

Hona hemen flickerrari buruz egindako laburpena:

....: iKate :....: Irudiak partekatuz II: Flickr erabilera gida: Flickerren erabiltzailea sortu eta argazkiak igotzeko argazki gida-album bat sortu dugu:

IRUDIAK PARTEKATZEA ( PRAKTIKA) NONAME TALDEA

Gaiarekin hasi baino lehen, hainbat galdera egingo dizkizuegu:

-Zuek irudiak partekatzen al dituzue sarea?

-Hori egiten baduzue, zein intentzio/asmorekin?

-Pentsatu gabe edo hausnarketa baten ondoren igotzen dituzue? Edonolakoak?

-DEDINIZIOA (ZER DA?): Izen hori ematen zaie kapturatzen eta/edo editatzen ditugun irudiak gorde eta beste batzuekin partekatzea ahalbidetzen diguten webguneei.

-IRUDIEN ERABILPEN DEMOKRATIKOA:

Irudien erabilera honen barnean, pribatutasunaren gaia jorratu nahi izan dugu, askotan sarean hauei erabilera desegokia ematen zaielako.  Gure ustez, sarri ez gara konsziente partekatzen dugun horrek  duen  balioaz, eman ahal zaion erabileraz eta honek ekar ditzakeen ondorioetaz.

Aurretik aipaturiko pribatutasun horren barruan bi eremu nagusi bereizi ditugu. Alde batetik, argazki horiek nork bere buruarekiko duten eragina, eta bestetik, besteekiko dutena.

Jarduera honek norbanakoarekiko izan dezakeen eragina, pertsona bakoitzaren balore eta munduarekiko ikuspuntuarekin erabat loturik dagoela uste dugu.  Ematen diozun pribatutasunaren arabera pertsona horren informazioa agerian eta edozeinen eskura geratzen da (lekua, lagun taldea, ohiturak, errutinak, etab.).

Lapurraren anekdota: Oporretara goazen garaian noiz eta nora goazen adierazi irudien bidez, ondorioz, etxe-lapurreta kasu ugari gertatu dira azkenaldian.

Pribatutasunaren bigarren eremuari so eginez, gure iritziz, norbanakoan oinarritzen den hausnarketa baino haratago joan beharko genuke;ez delako prozesu hau jarraitzen irudiek beste pertsona batzuk inplikatzen dituztenean. Kasu hauetan, publikatu nahi den horren inguruan hausnarketa egin eta ondoren, galdetzea beharrezkotzat jotzen dugu.

-Zuek argazkiak partekatzerako garaian inplikatutako beste pertsona horiei galdetzen al diezue (laguna/ ezaguna denean)? Eta bertan agertzen dena ezezaguna bada?

-Norbanakotik besteenganakora joaten den hausnarketa hori egiteko gai al zarete?

-Nahiz eta asmoa ona izan, beste pertsonak daudenean inplikaturik, hausnarketa hori egin behar dela uste duzue?

PLANTEATUTAKO EGOERAK: -Eraikuntza bati argazkia atera eta balkoian norbait agertzea, eta ondoren argazkia ona delako hori lehiaketa batera bidaltzea. -Parrandako argazkiak edaten eta erretzen.

Hurrengo lerroetan, pribatutasunaren gaia alde batera utziko dugu eta hasieran aipaturiko lizentzien gaiari helduko diogu. Lehenik eta behin, zer diren esatea komeni da: argazki horien erabilerari ematen zaizkien erabilera-baimen eta eskubideak.

Askotan erabiltzaileok egiten duguna zera da: besteenak diren irudiak hartu eta guriak izango balira bezala erabili. Hori ilegala da, eta ilegaltasun hori ekiditeko lizentziak behatzera jo beharko genuke beti; hauekin zer egin dezakegun eta zer ez jakiteko.

Horretaz gain, gure argazkiekin berbera egin beharko genukeela azpimarratu nahiko genuke, besteek ere gureekin guk nahi dugun erabilera bakarrik eman diezaioten.

Bi prozesu horiek ondo beterik, irudien partekatze demokratikoa lortuko genukeela uste dugu.

-Zergatik aukeratu dugu Flickr web zerbitzua?

Irudiak partekatzerako garaian, pribatutasun eta lizentzia aukera ugarien ematen duen aplikazioa delako.

-BALIABIDEAREN ERABILERA (Nola erabiltzen da?): 

Zerbitzu hori ematen duten webguneek irudiak bistaratu eta behera kargatzea ahalbidetzen dute. Bi motatako platarformak aurki daitezke: batetik izena eman behar den horiek eta bestetik erabiltzaile izan gabe erabil daitezkeen horiek. Erregistratuz gero, honako aukera hauek daude: album publikoak edo pertsona jakin batzuekin partekatzeko albumak sortzea, irudiak editatzea eta konposizioak sortu, sailkatu eta etiketatzea.

·         Flickr: Zerbitzurik ezagunenetako bat da, erraz eta modu intuitiboan erabiltzekoa. Doako bertsioan, hilean 100 MBko tokia ematen du gehienez irudiak gordetzeko. Flickr-en bilaketa-sistemak etiketen, dataren eta Creative Commonsen lizentzien arabera bilatzeko aukera ematen du.

http://www.flickr.com/

IRUDIAK PARTEKATU (INFORMAZIOA) NONAME TALDEA

•      Dumpt:

1 GBko gordetzeko tokia eskaintzen du. Irudiak zip formatuan (trinkotuak) edo paneletik aldiro 10 irudi kargatzeko aukera ematen du. Irudi bakoitza 3 MBkoa izango da eta 2500 x 2500 px-koa gehienez ere. 

Helbidea:

http://www.dumpt.com/img/

• VoiceThread:

VoiceThread multimedia ingurune batean eztabaidak izateko tresna bat da; eztabaidak aurkezpen, bideo edo irudi baten inguruan egin daitezke. Parte-hartzaileek ikusi edo entzungo dituzte eta ondoren iruzkinak egin ahal izango dituzte, telefonoa, webcama edo mikrofonoa erabiliz edo testu edo artxibo bat kargatuz.

Helbidea:
http://voicethread.com

• Bubblesnaps:

Banda komikoetan bezalaxe, argazkiei bunbuilo dibertigarriak jarri ahal izango zaizkio Bubblesnaps erabiliz. Horretarako, erregistratuta egon behar da eta ondoren jpg irudi bat kargatu beharko da. 

Helbidea:
http://www.bubblesnaps.com/

SCRIBD

Scribd aplikazioa erabiltzen ikasi dudala zihurtatzeko, blog sarrera hau egitea erabaki dut.

Hemen nire musika talde eta abesti gustokoentariko bat. Coldplay Ingalaterrako rock alternatiboko taldea da, 1997an London hirian sortu zen. Taldeko kideak Chris Martin (ahotsa, teklatua,gitarra), Jon Buckland (gitarra nagusia), Guy Berryman (baxu elektrikoa) eta Will Champion (bateria, ahotsak eta beste hainbat musika tresna).

Hona hemen abestiaren bideoa eta behean abestia idatzita:

COLPLAY

BIG DATA: ARGAZKI SEKUENTZIA

" Irudi batek mila hitzek baino gehiago balio du"

Sarritan erabiltzen dugun esaldi honek zentzu handia du gure bizitzan.

 Gaur egun, irudiak non nahi aurki ditzazkegu, edonork baititu teknologia berriak eskura une ahaztezin hori irudi gordegailuan betirako gorde ahal izateko. 

Hortaz, nire une gustukoenak erakutsiko dizkizuet gaurkoan, teknologia berrietaz erabat aldentzen nauten horietakoak:

 Bazkalosteko Kafea.  

"... hankak lurrera ekarri ditut
irribarre salatariz
bazkalostera itzuli eta
hamarmilagarren aldiz
aspaldi hartu dudalakoan
kafea hoztu zait berriz..."

Izaskungo mendian, igande arratsaldeko giro ederra aprobetxatuz.

Etxeko bizipoza.

Erabat deskonektatu nahi dudanean sukaldatzeak asko erlaxatzen nau.

2015 eko abuztua Madrilen.

Hiria bisitatzen ibili ondorengo deskantsua.

2014 ko udara gogoraraziz... kurtso amaierako bidaiaren azken uneak Bruselasen.

Ilunabarra Zurriolako hondartzan.

"Zer da lagun on bat 

bixotz zati bet ez bada

esku bet luzetzie,

benetan biher danien

bakarrik ezin dogunien"

Eskerrik asko eman didazuen ongi etorriagatik !!

ZELATATZAILEA ETA ZELATATUA

Azken saio teorikoan, zelatatzaile eta zelatatuaren inguruan aritu ginen berbetan, hasiera batean taldeka gure iritzi eta hausnarketa egin genuen eta azkenik Lorearen azalpenak entzun genituen gaiaren inguruan.

Ez gara ohartzen, etengabe zelatatzen gaituztela, gure mugimendu guztiak kontrolatzen dituztela, hau da, non gauden, zer egiten ari garen, norekin gauden, noiz gauden,...Uneoro, gure bizitza eta intimitatearen kontrol absolutua dute. Baina guzti honen inguruan hainbat galdera planteatu nahiko nituzke; Nola dakite guzti hori? Nork kontrolatzen gaitu? Zertarako?

Gure bizitzaren kontrolaren atzean dauden tresna esanguratsuenak interneta eta mugikorrak dira. Bi tresna hauen esker gure informazio asko lor dezakete, tresna hauek emititzen dituzten datuekin non gauden, nora goazen, norekin gabiltzan eta zertan gabiltzan dakite. Informazio guztia hau modu inkonsziente eta konturatu gabe emititzen dugu, hortaz ez gara ohartzen emititzen ari garenataz.

Esan bezala, informazio emisio hau kontrolpean izateko ezinbestekoa da sarean partekatzen dugun informazioa neurtzea eta ohartzea bertan idazten edo pertekatzen dugun guztia betirako bertan gordeta geratzen dela jakitea.

Oharkabean bada ere, hona hemen gu zelatatzen gaituzten adibideetako batzuk;

NORK?	NOLA?	ERRESISTENTZIA
Egela	Nabigazioaren kontrola	Pertsona batek besteei pasatzea irakurgaia Beti irekia edukitzea ...
Gps mugikorra	Posizionamenduaren kontrola	Kentzea
Google	Datu pertsonal guztiak	Asmatzea
Banketxeak/Kreditu txartelak	Datuen kontrola	Ahalik eta gutxien
Facebook	Datuak Konexio kontrola	Argazkiak ez etiketatu
Whatsapp	Konexio kontrola	Tik bikoitza kendu Ordua kendu Porfileko informazioa kontaktu batzuei bakarrik erakustea ...
Zerbitzuetako kamerak	Gure mugimenduak	...
Webcam (drone)	Hackeatzaileak	Pegatina bat jarri kamararen aurrean
Konpainia telefonikoak	Lokalizazioa Erabilerak ...	“Modo avión”

Informazioa lortzeko tresna hauen helburu nagusiena dirua lortzea da, hau da, informazio tresnak helburu ekonomikoetan dute bere oinarri nagusia. Horretarako "espiatu" edo etengabeko azterketa bat egiten digute gure zaletasun, gustuko leku, hiriburu, mugikor,....eta bertan lan egiten dute, bezeroen gustoko gauzak aztertu eta helburu ekonomikoak bertara plazaratzen dituzte.

Amaitzeko konklusio gisa;

KONTUZ! ARGI IBILI! ZUREA DEN INFORMAZIOA, ZUREA BAKARRIK IZATEN JARRAITU DEZALA SAIA ZAITEZ!

ADUNAKO HERRI ESKOLA ( Kontzeptu mapa)

Hona hemen Adunako Herri Eskolaren inguruan egindako kontzeptu mapa:

HITZALDIAK: ADUNAKO HERRI ESKOLA

Duela bi aste, Adunako Herri Eskolako irakasle bat etorri zen unibertsitatera hitzaldi bat ematera. Iñaki Pagola eskolako irakasleak, Adunako Herri Eskolaren inguruan hitzaldia egiteko sei puntuetan banatu zuen saioa:

• Kokapena

• Eskolaren ezaugarriak

• Ikt-ren eginbeharrak

• Heldutasun eredua

• Google apps eta Drive

• Esperientzia Praktikoak

Hitzaldiarekin hasteko, eskolaren kokapenaren inguruan hitz egin zigun, Donostiatik 1,5 km-ra dagoela azalduz. Eskolak 68 ikasle bakarrik zituela esan zigun, beraz eskola txikia da Adunakoa.

Eskola honen ezaugarri nagusi bezala esan dezakegu ez dituztela testu liburuak erabiltzen. Lana proiektuen bidez egiten dute. Hiru hilabetez behin aldatzen dituzte gaiak eta beti gauza berriak lantzen dituzte, edukiak errepikatu gabe. Ikasleek dute edukiak aukeratzeko eskubidea, beraien interesetan oinarritutako edukiak aukeratzen dituzte.

Honetaz gain, heldutasun ereduari eutsiz, hiru maila desberdin aurki ditzazkegu: hasierako maila, maila ertaina eta maila aurreratua. Adunako eskola hirugarren maila honetan kokatzen da.

Aplikazioei dagokienez, hainbat erbiltzen dituzte: classroom, google calendareta drive izenekoak adibidez. 

Dinamika eta praktikotasuna aurrera eramateko Drive aplikazioa sarritan erabiltzen dute, horren adibide gisa, bileretan jasotako informazioa driven partekatzen dute eta bertan denek elkarrekin lan egin dezakete, nahi duten moduan.

Erabiltzen duten agenda digitalari dagokionez, ordenagailuei esker, ikasle guztiek erabili dezakete agenda hau. Bertan informazio ugari gordetzen dute; eskolako ikasleen informazioa, hutsegiteak begiratzeko, ebaluazio sistemaren berriak, irakasleak jarri dizkien eginbeharrak,...  Ondorioz, ez dute paperean idazten, guztia kuaderno digitalaren bidez egiten dute, baita etxeko lanak eta hauen zuzenketak ere.

Eskolako bloga, albisteak eta egindako lanak erakusteko erabiltzen dute. Metodologia honen bitartez, Alkiza eta Berrobiko ikasleekin elkarlanean aritzeko aukera dute, hirurek parte hartzen baitute blog honetan.

Aplikazio erabilien artean, Dropbox aurkitzen dugu, argazkiak partekatzeko erabiltzen dute. Horrela gurasoek eskolan ateratako argazki hauek ikusteko aukera dute eta nahi izanez gero deskargatzeko ere bai. Irudiaren edukiari lotuta bideo grabaketak ere egiten dituzte nohizbehinka, hauen bitartez bideoak grabatu eta gero gauza berriak ikasteko eduki moduan erabiltzen dituzte. Bideoetan gai ezberdinak jorratzen dituzte. Metodo honekin teknologia berrietan murgiltarazten dituzte ikasleak eta gainera eduki berriak ikasteko aukera dute.

ZEIN ELEMENTU EDUKI BEHAR DITU KONPETENTZIA DIGITALAK?

Sarritan entzuten dugun hitza da konpetentzia, baina zer esan nahi du edo hobeto esanda, zer eskatzen du konpetentzia digitalak?

Hasteko, argi izan behar dugu, konpetentzia digitalak hainbat elementu eskatzen dituela.

Lehenik eta behin, konpetentea izateko informaziora sartzen jakitea oso garrantzitsua da, hau da, informazioaren bilaketa arrazionalaren eta teknologia erabileraren trebetasun instrumentala eskuratzea oso garranttzitsua baita. 

Bestalde, lortutako informazioa ezagutzan eraldatzen jakitea ezinbesteko jarduera da, hau da, arazoak planteatzeko eta informazioa analizatu eta esanahiarekin interpretatzeko gai izatea ezinbestekoa da.

Hortaz gain, informazioa zabaltzen eta azaltzen jakitea oinarrizkoa da. Azkenik, informazioa demokratikoki eta etikoki erabiltzea beharrezkoa da, hau da, hauei dagokien jarreren, baloreen eta praktika etikoen garapena lortu ahal izateko.

Aurrez esandako guztia kontuan izanik, esan dezakegu konpetentzia digitala 5 dimentsioetan dagoela banatuta:

1. Ikaskuntzaren dimentsioa
2. Informazioaren dimentsioa
3. Komunikazioaren dimentsioa
4. Kultura digitalaren dimentsioa
5. Teknologiaren dimentsioa

Amaitzeko konpetentzia digitala zer den argitu diezazukeen bideotxo bat eskegiko dizuet hemen behean, Jordi Adell adituaren eskutik: 

ZER DA KONPETENTZIA DIGITALA?

Jakina da azken urteetan gure gizartea erabat aldatu dela. Teknologia berriak sortu zirenetik gizartea asko aldatu da, horrekin batera gure bizimodua ere aldatu egin da. Hori dela eta, aldaketa guzti honek gizarteko arlo guztiak eraldatu ditu, horien artean hezkuntza. 

Teknologia berriak sortu zirenetik eta hezkuntzan txertatuak izan ziren unetik gaur egun arte hezkuntza mundua izugarri aldatu da, eta indartsu eraldatu dute gaur egungo hezkuntza mundua. Edozein aldaketarekin gertatzen den bezala, hezkuntza mundua teknologia berrietara moldatu da eta moldaketa honek hezkuntza sistema birplanteatu du. 

Konpetentzia digitala deritzogunari azken finean gure ezagutzen etengabeko eraikitze bat da. Hau da, ezagutza, trebetasun eta gaitasunaren konbinazioa da, behar diren balore eta jarrerarekin baita testuinguru digitaletaz baliatuz lortu nahi ditugun helburuak eraginkortasunez bete ahal izateko. Hortaz, laburpen gisa esan daiteke konpetentzia digital gure gaitasun digitalen aktibazio egokiari deritzola, erabiltzaile konpetente batek zentzuz eta arduratsu jokatzen du.

ZER DA WEB 2.0 ?

Komunikazio web-en munduan aldaketa ugari izan dira azkeen urteetan. Aldaketa horien artean aipagarriena, Web 1.0 tik Web 2.0 ra egon den saltoa da. Aldaketa honek eragin handia izan du gure gizartean, hain zuzen ere, beste kultura mota bat sotu baitu. Web 2.0 kontzeptua oraindik aski barneratua ez dugunean, adituak Web 3.0 Internet belaunaldi berri batetaz hitz egiten hasi dira. Noiz iritsiko den ziur ez baldin badakite ere, izango dituen ezaugarriak badakizkigu. Web honetan milaka adimenduek egunero sareratzen diren edukiak modu semantikotan (etiketen arabera) argitaratzeko gai izango dira.

WEB 2.0:

Komunikazioa erabiltzaileen artean, aukera eman guri gauzak egiteko gauzak sortu
urteekin proiektua (entziklopedia britanikoa) zerbitzu (google) bihurtu ( web 1.0 eta web 2.0), gaur egun zerbitzua erabiltzaileentzat eskaintzea.

WEB 2.0aren EZAUGARRIAK

• Ez da unidirekzionala 
• Zerbitzuak eskaintzen ditu
• Erabiltzailea da protagonista
• Kolaborazioan lan egiteko aukera

Ezaugarrien osaketa:

1. RSS zerbitzuak: informazioa gure ordez bilatzen dute, hau da, gu informazioa bilatzen hasi beharrean RSS zerbitzuaren bitartez informazioa bilatzen digu ( adb: egunkarian kulturaren arloa)
2. Sortzaileak bihurtzen gara web 2.0an
3. Web 1.0 estatikoa zen eta web 2.0 didaktikoagoa da
4. Modu ezberdinetan hartzen dugu parte sarean: batzuetan indirektoki ( me gusta emanda orrialdeari) besteetan aldiz,  kontzienteki eta beste hainbatetan modu oso konszientan. Web honen azkeneko helburua kolaborazioa da, sare sozialak beste pertsonen onurarako direlaren ikuspegitik.

NOLA FUNTZIONATZEN DU WEB 2.0ak?

Elementu tekniko garrantzitsuenak:

Bilaketak, estekak, egiletasuna (denon esku), etiketa (hitz klabe oso eraginkorra), luzapenak ( guk sorturiko playlistak adibidez liburuak musika), abixuak

search 

WEB 3.0 

Gaur egungo arazo nagusia, testuinguruaren bilaketa ugariak dira. Giza ezaugarri gehiago edukitzea guk nahi duguna bilatzeko. Filtrazioa aurrera eramaten saiatzen da, web 3.0aren adibidea google plus . Honen helburua, bilaketa askoz efektiboagoak lortzea da, informazio bilaketa erraztu ahal izateko.

WEB 2.0 KRITIKA:

Nork parte hartu beharko luke gauzak sortzeko garaian? Edukiaren kalitatea jeitxi egin al da?

Geroz eta informazio aniztasun gehiago izan, hobekuntzak sortzeko aukera gehiago egongo da, era berean denok eskubide berak edukitzeko. Gure lana, informazio guzti horren artean sailkapen bat egitea da, hau da, zein den informazio baliagarria guretzat eta zein informazio diskriminatu behar dugun jakitea.  Hortaz, hezitzaileok kontuan izan behar dugu informazioa sailkatzerako garaian.

Web 2.0 "segunda burbuja" deitzen diote, modan dagoelako eta ez delako benetan informazioa jasotzeko helburuarekin erabiltzen.